REIVINDICACIÓN LIBROS DE TEXTO

Despois do fallido intento o pasado sábado 14 de novembro de 2015 de levar os libros de texto inservibles, e xa recollidos, á biblioteca do Gaiás, retomamos esta iniciativa para o vindeiro sábado 28 de novembro ás 12 h.

Contamos con vós para sumar e apoiar estando alí en Santiago.

A XUNTA DIRECTIVA DE FOANPAS

A NOSA ANPA SÚMASE Á SEGUINTE REIVINDICACIÓN, CO CAL PEDÍMOSVOS QUE TRAIADES ANTES DO VENRES OS LIBROS DE TEXTO QUE TEÑADES EN PRÉSTAMO DENDE A ANPA.

PODEDES ENTREGALOS NA ANPA ÁS 9.00 E ÁS 13:50 OU O MARTES POLA TARDE.

Dende FOANPAS  decidiuse facer unha reivindicación SIMBÓLICA para solicitar da Consellería de Educación a volta ó programa de gratuidade de libros de texto, un sistema que era o máis equitativo e xusto, que beneficiaba a todo o alumnado sen ningún tipo de discriminación.

Ademais estamos nunha coxuntura na que segundo o goberno que estea no poder, temos unha Lei de Educación distinta, o que fai que constantemente teñamos que estar adaptándonos a cambios na formación dos nos@s fill@s, novos ensinos, currículos… e por ende libros de texto.

Por iso vanse “DOAR” os libros de texto das ANPAS que nestes momentos temos almacenados nos nosos centros educativos e que quedaron “obsoletos” pola LOMCE, á Biblioteca de Gaiás de Santiago de Compostela; Biblioteca construída con moito diñeiro público e con apenas uso, entre outras cousas pola falta de Fondo de Biblioteca.

Con este acto queremos reivindicar:

                -Unha volta ó programa de gratuidade de libros de texto.

                -Un consenso en Educación de todas as forzas políticas.

               -Unha mellor racionalización do gasto público.

A entrega de libros efectuarase o sábado 14 de novembro en Santiago.