IX XORNADA DE INTERCULTURALIDADE E CONVIVENCIA

Queremos convidarvos a participar nas IV Xornadas de Interculturalidade e Convivencia que organizamos para o vindeiro 7 de novembro no Verbum Casa das Palabras (Avenida de Samil, 17).

 

Ante a realidade que estamos a vivir, non podemos quedar cruzados de brazos e temos que informarnos. Dende as 9:30 horas da mañá escoitaremos as experiencias e o traballo que están a realizar diferentes asociacións e entidades (Amnistía Internacional, Madres Latinas, Aida África, Asociación Diversidades) e dende os centros educativos da cidade (EEI Santa Cristina, CEIP Ramón y Cajal - Picacho-, IES de Teis) en canto a interculturalidade e a convivencia. Remataremos realizando un obradoiro conxunto no que se fará un mural intercultural.

 

Contaremos con servizo de ludoteca para nenos e nenas de 3 a 12 anos (PREVIA INSCRICIÓN e se hai un mínimo de nenos/as). Ademais, pódese reservar a comida (10€ adultos/as e 5€ nenos/as - ata o 4 de novembro) á hora de facer a inscrición no 986268812 ou en foanpas@foanpas.com (ata o 5 de novembro).

 

Son unhas xornadas de participación aberta, dirixidas á comunidade educativa dos centros de ensino público (nais/pais, ANPAS, mestres/as, directores/as, orientadores/as, etc.) polo que pregamos fagades difusión desta información.